Скудерија Ферари потврди дека откажувањето на моторот на Кими Раиконен на трката во Валенсија бил од иста природа како оној на Фелипе Маса во Будимпешта. Веќе е јавно соопштено дека е скршена водилката на клипот, но причините се непознати.
Истовремено, тимот тврди дека знаел оти моторот на Раиконен ќе биде чувствителен поради искуството од Унгарија со Маса, но одлучиле да не го менуваат моторот бидејќи Раиконен веќе искористил еден џокер, односно промена на мотор без казна, па ќе требало да стартува 10 места поназад, што на градската трка во Валенсија ќе значело и слаб пласман во старт, поради неможноста да се престигнува.
- Она што се случи е сериозна работа и ќе направиме се во наша моќ за да ги надминеме проблемите со издржливоста на последните трки. Имаме две тест сесии, во Монца и Херез, а потоа се враќаме во фабриката,- изјави тимскиот шеф на Ферари, Стефано Доменикали.
Тој најави дека тимот ќе застане зад Кими и ќе му овозможи да се врати во игра, иако нема победа од шпанското гран при во мај.
*2
0 коментари:
Објави коментар